Azərbaycanda avtomobil qiymətinə it satılır - VİDEO
Paytaxtın Xəzər rayonu, Buzovna qəsəbəsində yaşayan Telman Şükürov bir cüt Tibet Mastifi cinsindən olan it satır. Qiyməti isə nə az, nə çox, düz 15 min manata.

Xəzər TV xəbər verir ki, 1 yaş 2 aylıq olan itlərin doğum haqqında şəhadətnamələri və pasportları da var.

İtlər yarışlarda qələbə qazanıblar. Həmin yarışlarda əldə olunan mükafatlar da sənədlər arasında yer alır. Telman Şükürov deyir ki, itləri 1 il əvvəl Bakıda cütünü 5 min manata satın alıb. Heyvanlar Rusiyadan gətirilib.

Heyvanların sahibi bildirir ki, bu itləri satdıqdan sonra başqalarını satın alıb bəsləyəcək.