Rusiyalı turistlər Azərbaycanın daha çox hansı şəhərini ziyarət edirlər
Azərbaycanın Naftalan şəhəri rusiyalı turistlər tərəfindən xüsusi diqqət çəkib.
Oxu.Az 
fins.az-a istinadən xəbər verir ki, Rusiyanın “TurStat” analitik agentliyinin araşdırmalarına görə, 2017-ci ildə yaxın əcnəbi ölkələr arasında Naftalanın istirahət məkanları rusların sevimli istirahət yerlərinə çevrilib.
Belə ki, rusların Naftalana neftlə müalicə almaq üçün gəldikləri bəlli olub. Araşdırmalara görə, hər il Naftalana 10 min turist gəlir ki, onların yarısından çoxunu əcnəbi turistlər təşkil edir.
Naftalandan sonra isə rusların yaxın ölkələr arasında ən çox getdiyi yerlərdən biri də Belarusda yerləşən Naroç istirahət mərkəzidir. Naftalanın başçılıq etdiyi sıralamada üçlükdə isə Qazaxıstanın Sarıaqaş istirahət mərkəzi qərarlaşıb.