ŞAD XƏBƏR - Bakı metrosunda liftlər quraşdırılacaq
"Bakı Metropoliteninin xətlərində, yeni stansiyaların hər birində və təmir edəcəyimiz bütün stansiyalarda fiziki imkanları məhdud şəxslər üçün xüsusi liftlər və digər avadanlıqlar quraşdırılacaq".
"Report”-un məlumatına görə, bunu "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib.
O qeyd edib ki, SSRİ dövründə stansiyaların tikintisi zamanı fiziki imkanları məhdud şəxslərin metrodan istifadəsi nəzərdə tutulmayıb: "Hər hansı bir stansiyada liftin və pandusların quraşdırılması asan məsələ deyil. Müəyyən bir stansiyada bunu quraşdırıb digərində quraşdırmamaq olmaz, çünki bir stansiyaya girən əlilliyi olan şəxsin digər stansiyadan çıxışı təşkil olunmalıdır".

LEGİON.AZ