Əhməd Əhmədzadənin adamı qoçuluq edir – Dava düşdü, xəsarət alan var
Goranboy rayonunda iş icraçısı döyülüb.
“Report”un Qərb bürosunun məlumatına görə, nəticədə 1973-cü il təvəllüdlü Qızılhacılı kənd sakini Allahverdiyev Sadiq Yaşar oğlu boyun nahiyəsindən xəsarət alaraq xəstəxanaya yerləşdirilib.
İlkin məlumata görə, “Azərbaycan Meliorasiya və Su Təsərrüfatı” ASC-nin Goranboy Suvarma Sistemləri İdarəsində iş icraçısı kimi fəaliyyət göstərən S.Allahverdiyev idarənin rəisi Gündüz Bağırov tərəfindən döyülüb. Hadisənin hansı səbəbdən baş verdiyi məlum deyil.
Faktla bağlı araşdırma aparılır.

LEGİON.AZ