Aygün Kazımova Lolita Milyavskya, Vladimir Presnyakov, Ani Lorak və Valeriy Meladzenin çıxış etdiyi səhnədə - Foto

Azərbaycanın xalq artisti Aygün Kazımova Belarusiyanın Minsk şəhərində solo konsertlə çıxış edib. 

LEGİON.AZ xəbər verir ki, sənətçi fevralın 24-də baş tutan konsertdə hit mahnılarını ilə yanaşı,  yeni mahnılarını da səsləndirib. 

Şou biznesimizin divası Belarusiyanın Minsk şəhərində yeni açılan ən prestijli məkanlarından olan “Opera Casino”un  səhnəsində çıxış edib. Aygün Kazımovanı səhnədə Vaqif Gərayzadənin rəhbərlik etdiyi ansamblı müşayiət edib.

Bu günə qədər sözügedən səhnədə Lolita Milyavskaya, Vladimir Presnyakov, Ani Lorak, Mixail Şufutinskiy, Valeriy Meladze, Vaxtanq Kikabidze kimi rusiyanın ulduzları konsert proqramı ilə çıxış edib. Aygün Kazımova bu  prestijli məkanın səhnəsində çıxış edən ilk azərbaycanlı sənətçidir.

LEGİON.AZ