Azərbaycan futbolunda ilk - “Neftçi”dən “Qarabağ”lılara şok
Topaz Premyer Liqasının 28-ci turu çərçivəsində bu gün keçiriləcək "Neftçi” – "Qarabağ” matçının biletləri satışa çıxarılıb. Biletlər sektordan asılı olmayaraq 50 manat təşkil edir. 
Bu barədə "Neftçi”nin rəsmi feysbuk səhifəsi məlumat yayıb. 
Biletlərin 50 manata satışa çıxarılması Azərbaycan futbol tarixində ilkdir. Heç vaxt daxili çempionat oyunlarına biletlər bu qədər yüksək məbləğə satılmayıb. Biletlərin qiyməti 1-5 manat arasında dəyişirdi. 
Qeyd edək ki, "Neftçi” – "Qarabağ” oyunu saat 18:00-da, "Bakcell Arena”da keçiriləcək. (Qafqazinfo)