“Qalatasaray”dan növbəti çempionluq
Bu gün Türkiyə Superliqasında 2018-2019 mövsümünün qalibi müəyyənləşib.   Modern.az xəbər verir ki, 33-cü turun mərkəzi oyununda 66 xalla zirvədə yer alan "Qalatasaray" doğma azarkeşləri önündə eyni xalla 2-ci pillədə qərarlaşan "Başakşəhər"i qəbul edib. "Türk Telekom Arena"dakı matçda 2:1 hesablı qələbə qazanan "cim-bom" sona bir tur qalmış çempionluğunu rəsmiləşdirib.   Qeyd edək ki, bu, "sarı-qırmızılılar"ın ardıcıl ikinci, ümumilikdə isə 22-ci çempionluğu olub.