Koçaryanı azadlığa buraxan hakim istefa verdi
Ermənistan Ali Məhkəmə Şurasının sədri Qaqik Arutyunyan istefa verib. Bu barədə Ermənistan mətbuatı Arutyunyanın bəyanatına istinadən məlumat yayıb. Arutyunyanın sözlərinə görə, o, ölkədə məhkəmə sisteminə qarşı yönəlmiş növbəti etiraz dalğasından sonra vəzifədə qalmağı məqsədəuyğun hesab etməyib. Onun bu bəyanatından sonra qardaşı, general-leytenant Arzuman Arutyunyan Ermənistan Milli Təhlükəsizlik Şurasının direktor müavini vəzifəsindən istefa verib. Xatırladaq ki, Ali məhkəmə mayın 18-də 27 iyul 2018-ci ildə həbs edilən Ermənistanın sabiq prezidenti Robert Koçaryan azad edib. Mayın 20-də Baş nazir Nikol Paşinyan ölkədə məhkəmə islahatlarının aparılmasının zəruriliyini bəyan edib. Elə həmin gün Baş nazirin tərəfdaşları ölkədə bütün məhkəmələrə girişləri bağlayıblar.