Daha bir rayonda zəlzələ
Bu gün səhər saatlarında Qax rayonunda zəlzələ baş verib. Oxu.Az-ın bölgə müxbiri xəbər verir ki, yeraltı təkanlar təqribən 07:40-da Güllük kəndində qeydə alınıb. Kənd sakinlərinin sözlərinə görə, zəlzələ 5-7 saniyə davam edib. Zəlzələ 4 bala qədər hiss olunub. Qeyd edək ki, 2012-ci il mayın 7-də şimal-qərb bölgəsində baş vermiş zəlzələ nəticəsində Güllük kəndində də xeyli sayda fərdi yaşayış evləri və sosial obyektlər dağılmışdı.