“Professor Leqasov intihar etməyib”
Çernobıl AES-də baş vermiş qəzanın fəsadlarını aradan qaldırmaqda iştirak etmiş mayor Mixail Berqman eyniadlı serialda razılaşmadığı məqamlar barədə danışıb. Axar.az xəbər verir ki, bu barədə “Moskovskiy komsomolets” yazıb. Berqmanın sözlərinə görə, qəza və fəsadların aradan qaldırılması prosesi serialda düzgün işıqlandırılıb. Lakin Berqman hadisələr zamanı bir çox intihar faktının şahidi olsa da, akademik Leqasovun özünü öldürməsi ilə razılaşmayıb. “Düşünürəm ki, Leqasovu öldürüblər. Onunla bir neçə dəfə görüşmüşəm. O, həmişə hökuməti tənqid edirdi”, – Berqman bildirib. Xatırladaq ki, Çernobıl AES-də baş vermiş qəzaya həsr olunmuş “Çernobıl” serialında professor Leqasov obrazı sonda intihar edir.