Ali Məhkəmə tanınmış şairin şikayətini təmin etməyib
Ali Məhkəmədə dələduzluqda təqsirləndirilən şair Əli Ağaevli (Əli Hacı) barəsində olan hökmdən verilən kassasiya şikayəti üzrə məhkəmə prosesi başa çatıb.

APA-nın məlumatına görə, hakim İmran Hacıqayıbovun sədrliyi ilə keçirilən prosesdə qərar elan olunub. Qərara əsasən, Əli Hacının şikayəti təmin edilməyib və barəsində olan Bakı Apellyasiya Məhkəməsinin qərarı dəyişdirmədən saxlanılıb. 

Qeyd edək ki, Əli Hacı və tanışı Fuad Kərimov Qabil Mehdiyevin 500 min manatını dələduzluq yolu ilə almaqda ittiham olunub. Bakı Ağır Cinayətlər Məhkəməsinin hökmü ilə Əli Hacı 7 il, Fuad Kərimov 5 il müddətinə azadlıqdan məhrum edilib.
Hökmlə razılaşmayan şair Bakı Apelyasiya Məhkəməsinə şikayət edib. Onun şikayəti qismən təmin edilib və cəzası 1 ilə salınıb. 

Onu da qeyd edək ki, Əli Hacı “Hüquq, İqtisadiyyat və Sosial Tədqiqatlar” İnistitutunun direktoru, Dünya Azərbaycanlıları Konqresi (DAK) Məşvərət Məclisi sədrinin birinci müavini olub.