İsrail müsəlman konqresmenləri ölkəyə buraxmayacaq
İsrail ABŞ Nümayəndələr Palatasının müsəlman üzvlərinin ölkəyə girişinə qadağa qoyub.   Modern.az xarici KİV-ə istinadən xəbər verir ki, İsrailin  baş naziri Binyamin Netanyahu konqresmenlər Rəşidə Tlaib və İlhan Ömərin ölkəyə girişinin qadağan olduğunu elan edib.   Netanyahu qadağa qərarını əsaslandırarkən müsəlman konqresmenlərin İsraili boykot etməyə çağırmasını qəbuledilməz hesab edib. Donald Trampın  məsələ ilə bağlı açıqlamasında Rəşidə Tlaib və İlhan Ömərin İsrailə nifrət etməsini pisləyib.   Qeyd edək ki,  konqresmenlər 18-22 avqust tarixləri arasında İsrail və Fələstinə səfər etməyi və Qüdsdə Fələstinli müsəlman liderləri ilə görüşməyi planlaşdırırdı. Sonra qərardan sonra onların səfər proqramını dəyişməsi gözlənilir.