Qəbələdə meymun qəfəsdən qaçdı, helikopterlə axtarış başladı
Qəbələnin Bunud kəndi yaxınlığındakı "Sərin" zooparkında qəfəsdən meymun qaçıb. Bir neçə gündür ki, ərazidə meymun axtarışı aparılır. 
"Legion" Modern.az-a istinadən xəbər verir ki, meymunu kəndin Qobu ərazisində görənlər olub. Lakin ağacdan-ağaca tullanaraq onu tutmaq istəyənlərin əlindən xilas olub. 
Sakinlər meymunu tutub, vəd olunmuş mükafat məbləğini qazanmaq istəyirlər. Meymunun qəfəsdən qaçdığı ilk günlər göydə vertalyotlar da fırlanıb. Onların da meymun axtarışına çıxdığı güman edilir.
Meymun hələ tapılmayıb.