Bakıda Uşaq Yaradıcılıq Mərkəzində partlayış baş verib
Lökbatanda yerləşən Uşaq Yaradıcılıq Mərkəzində partlayış baş verib. Musavat.com xəbər verir ki, hadisə bu gün səhər saatlarında qeydə alınıb. Səhiyyə Nazirliyindən APA-ya bildirilib ki, Təcili Tibbi Yardıma saat 10:14-də məlumat daxil olub. Hadisə yerinə 3 Təcili Yardım briqadası çıxıb. Həkimlər mərkəzdən 50 yaşlı qadın müəllimi götürüblər. Sifətin və hər iki əlinin termiki yanığı diaqnozu ilə müəllim 5 saylı xəstəxananın yanıq şöbəsinə çatdırılıb. Daha bir neçə nəfər hadisə zamanı stress keçirib. Onlara yerində yardım göstərilib.