Netflix abunəçilərinin sayı 167 milyona çatdı
Amerikanın Netflix korporasiyasının ödənişli abunə xidmətlərindən 167,09 milyon insan istifadə edir. 
Qaynarinfo xəbər verir ki, bu haqda informasiya şirkətin 2019-cu ilin dördüncü rübü üçün hazırlanmış hesabatında yer alır.
Bununla yanaşı, 2020-yə cəmi üç ay qalmış "Netflix”in abunəçilərinin sayı 8.76 milyon artıb. Şirkətin 2019-cu ilin dördüncü rübündə qazancı 5.47 milyard dollara çatıb, mənfəəti 587 milyon dollar olub.
 
Şirkətin proqnozlarına görə, bu ilin birinci rübündə abunəçilərin sayı daha 7 milyon artacaq.
Rusiya Mədəniyyət Nazirliyinin rəhbəri Vladimir Medinski bildirib ki, Rusiya Netflix və HBO analoqlarını yarada bilməz, çünki piratlarla problem hələ həll olunmayıb.
Xatırladaq ki, Netflix 1997-ci ildə qurulub, şirkət 190-dan çox ölkədə yayım xidməti göstərir, həmçinin öz filmləri, serialları və televiziya şoularını nümayiş etdirir.