Bakıda tez-tez yanan ticarət mərkəzləri və bazarları -VİDEOXRONİKA
Son aylar Bakıda ticarət mərkəzlərində və bazarlarda baş verən yanğınlar cəmiyyətdə ciddi narahatlığa səbəb oldu. Əmlak və malların yanması ilə yanaşı, yüzlərlə ticarətçinin müflis olmasına yol açan yanğınlar yanğın təhlükəsizliyi, malların sığorta olunması kimi ciddi problemləri üzə çıxardı.   Modern.az son aylarda ölkə gündəminin əsas mövzularına çevrilən yanğınlarla bağlı məlumatı qısa videonu təqdim edir.   "Sədərək" ticarət mərkəzində yanğın Bu gün səhər saatlarında "Sədərək" ticarət mərkəzində qeydə alınan yanğın 900-1000 kv. metr ərazini əhatə edib Ümumiyyətlə "Sədərək" ticarət mərkəzində yanğın hadisələri tez-tez baş verir. Belə ki, son 5 ildə burada 6 dəfə yanğın olub.   "EuroHome"  tikinti materialları bazarında yanğın Ötən ilin dekabrında Binəqədi rayonunun "EuroHome" tikinti materialları bazarında 100-dən çox mağaza yanıb.   “Diqlas” Ticarət Mərkəzində yanğın Keçən il martın 26-da Bakının Nizami rayonunda yerləşən “Diqlas”da başlayan yanğın ticarət mərkəzini yararsız vəziyyətə saldı    “3-cü mikrorayon bazarı”nda yanğın 14 dekabr 2019-cu ildə Nəsimi rayonunda yerləşən “3-cü mikrorayon bazarı” adlanan ərazidə yanğın 280 kv.m sahədə kafe və satış piştaxtaları, 2 ədəd "QAZEL" markalı yük avtomobili və bazara bitişik 50 kv.m sahəsi olan avtomobil təmiri sexini külə çevirdi.