Fransada koronavirusdan bir sutkada 240 nəfər öldü
Fransada son sutkada koronavirusdan 240 nəfər dünyasını dəyişib.

Modern.az  xarici mediaya istinadən xəbər verir ki, bu barədə Fransanın Səhiyyə üzrə baş direktoru Jerom Salomon açıqlama verib.   Jerom Salomon qeyd edib ki, Fransada bu günədək COVID-19 virusundan ölənlərin sayı 1 100 nəfərə çatıb:

“Son 24 saatda ölkədə yeni yoluxma faktı qeydə alınıb ki, bununla da Fransada koronavirusa yoluxanların sayı 22 300-ə çatıb. 10 176 nəfər hazırda xəstəxanalarda müalicə alır. Onların 2 516 nəfəri ağır vəziyyətdə reanimasiyaya yerləşdirilib.

Xəstələrin üçdə birinin yaşı 60-dan aşağı, 58 faizi 60-80 yaş arasındadır. Bu günədən bu yeni virusun qurbanı olan insanların 85 faizinin yaşı 70-dən yuxarıdır”.