Gürcüstanda koronavirusa yoluxanların sayı 626-ya çatdı
Gürcüstanda koronavirusa 3 yeni yoluxma halı təsdiqlənib. “Report”un yerli bürosu xəbər verir ki, bu barədə Gürcüstan hökumətinin koronavirusla bağlı xüsusi rəsmi saytında bildirilib. Bununla da qonşu ölkədə COVID-19-a yoluxanların sayı 626-ya çatıb. Onların 297-si sağalıb, 10-u isə ölüb. Hazırda ölkə üzrə karantində 4 702, stasionar nəzarətdə isə 459 nəfər saxlanılır.