Azərbaycan klubunun basketbolçusu həbs olunub - Narkotik maddə satdığı üçün
Azərbaycanın "Sərkərdə" klubunun basketbolçusu Nikolaye Kojuharu İrlandiyanın Offali şəhərində saxlanılıb. "Report" "offalyexpress" nəşrinə istinadən xəbər verir ki, 28 yaşlı oyunçu 100 min avroluq narkotik bitki olan kannabis satmaqda və yetişdirməkdə ittiham olunur. Onunla birlikdə daha iki nəfər tutulub. Kojuharunun girov qarşılığında azadlığa buraxılması barədə vəkili tərəfindən qaldırılan iddia qəbul edilməyib. Onlar məhkəmənin hökmü ilə mayın 13-də həbs olunublar. Növbəti məhkəmə prosesi mayın 20-də olacaq.