“Dəhşətli ağrılarım var, dözə bilmirəm” – Kimyaterapiyaya başlayan aktrisa
Uzun müddətdən bəri xərçəng xəstəliyindən əziyyət çəkən “Toppuş bacı” ləqəbili aktrisa Tünzalə Əliyeva evə buraxılıb.  Yenisabah.az xəbər verir ki, ATV telekanalında yayımlanan "Bizimləsən" proqramına canlı qoşulan Əməkdar artist kimyaterapiyasının başladığını bildirib: "Əvvəl ağrılar kürək və böyrəyə vururdu. İndi qarın hissəmə vurur. Kimyaterapiya hər dəfə bir nahiyəyə vurur. İndi də qarın. Qarnımda da neçə əməliyyat yeri var, ağrılar dəhşətlidir. Dözə bilmirəm. Həmişə kimyaterapiyada belə olur. Əvvəl dırnaqlarım çürümüşdü. Yeni-yeni düzəlirdi. Yıxılan insan deyiləm, amma durumum çox pisdir". Xatırladaq ki, bir müddət əvvəl aktrisanın ağ ciyərlərində də xərçəng aşkarlanıb.