“Qalatasaray” “Rizəspor”a uduzub
“Qalatasaray” “Rizəspor”a uduzub Clock-gray 00:15 calendar-gray 15 İyun 2020 A- A+ Türkiyə Super Liqasında XXVII tur davam edir. Apasport.az saytının məlumatına görə, turun daha üç oyunu baş tutub. Turnir cədvəlinin ikinci yarısında qərarlaşan “Gənclərbirliyi” və “Konyaspor”un duelində 3 qol vurulub. Ankara təmsilçisi 2:1 hesablı qələbə ilə təhlükəli zonadan uzaqlaşıb. Son çempion “Qalatasaray” titulunu qorumaq yolunda növbəti zərbə alıb. Oyunun əvvəlində zədələnən qapıçı Fernando Musleranı itirən İstanbul təmsilçisi Super Liqada qalmağa çalışan “Rizəspor” qarşısında da aciz qalıb. “Qaziantep” isə autsayderlərdən biri “Ankaragücü” ilə üz-üzə gəlib. Qarşılaşmada qalib müəyyənləşməyib. Qeyd edək ki, tura sabah yekun vurulacaq. Türkiyə Super Liqası  XXVII tur  14 iyun  “Gənclərbirliyi” – “Konyaspor” – 2:1  Sio, 59, Özdəmir, 83 – Yevtoviç, 62  “Rizəspor” – “Qalatasaray” – 2:0  Şkoda, 42, Torun, 53  “Qaziantep” – “Ankaragücü” – 1:1  Maksim, 25 (pen.) – Skarione, 51